Amdanom ni

Historic black-and-white photograph of a large country house set within landscaped grounds. The building features multiple chimneys, sash windows, and pitched roofs, partially framed by bare tree branches in the foreground. — Palas yr Esgob, dechrau'r 20fed ganrif

Ein Stori

Sefydlwyd Amgueddfa Sir Gâr fel amgueddfa'r sir ym 1908 gan Gymdeithas Hynafiaethwyr Sir Gâr. Wedi ymgartrefu yn Stryd y Cei, Caerfyrddin, canolbwyntiodd yr amgueddfa yn bennaf ar archaeoleg yn ogystal â chrefftau a hanes Gorllewin Cymru. Disgrifiodd cyfarwyddwr Amgueddfa Genedlaethol Cymru yn y 1920au y casgliad fel un "rhagorol... yn ail yn unig i'r Amgueddfa Genedlaethol."

Trosglwyddwyd yr amgueddfa i Gyngor Sir Gâr ym 1940 yn dilyn marwolaeth George Eyre Evans, y mwyaf gweithgar o'r sylfaenwyr. Daethpwyd o hyd i gartref newydd yn y 1970au pan brynwyd cyn-blasdy Esgobion Tyddewi ym mhentref cyfagos Abergwili; yno, mae'r amgueddfa wedi tyfu a datblygu ers hynny. Y dyddiau hyn, rheolir Parc yr Esgob sy'n amgylchynu'r amgueddfa gan elusen, sef Ymddireidolaeth Parc yr Esgob. Mae CofGâr a'r Ymddiriedolaeth yn gweithio mewn partneriaeth i redeg y safle, gyda chefnogaeth Cegin Stacey, sy'n rhedeg y caffi ar y safle.