Beth i'w weld yng Nghartref Dylan Thomas

Black and white photo of Dylan turning around to look at the camera from his desk in his Writing Shed — Credyd: Alamy

Cartref Dylan Thomas oedd cartref olaf y bardd Cymreig mawr. Ein nod yw adrodd hanes ei fywyd teuluol yma a sut y dylanwadodd y lle ar ei waith.

Y tu fewn, fe welwch y parlwr teuluol, wedi'i ddodrefnu fel yr oedd yn y 1950au. Er ei fod yn lle heddychlon nawr, roedd yn fan lle byddai Caitlin a'r plant yn chwarae ac yn darllen.

Uchod roedd ystafelloedd gwely'r teulu. Mae ystafell wely Dylan a Caitlin bellach yn ofod arddangos sy'n llawn eitemau cofiadwy o fywyd a gyrfa Dylan. Mae ystafell wely Aeronwy a Colm wedi'i thrawsnewid yn ardal i blant, lle gall teuluoedd dreulio amser yn lluniadu, yn ysgrifennu neu'n chwarae gyda'r teganau.

A pheidiwch â cholli'r Siop Anrhegion a'r Ystafell De. Mae'r Siop Anrhegion yn lle gwych i ddod o hyd i gofroddion sy'n ymwneud â gwaith Dylan a'r ardal leol; mae wedi'i lleoli yn yr hyn a fu unwaith yn ystafell Llewellyn. Yn yr Ystafell De – sydd wedi'i lleoli yn hen ystafell fyw'r teulu, wedi'i hadeiladu'n uniongyrchol ar greigiau'r clogwyn – gallwch fwynhau sgons a chacennau Cymreig cartref.

Cyfleusterau

Mynediad

I gael gwybodaeth am gyfleusterau ac adnoddau ar gyfer pobl ag anghenion hygyrchedd, gweler y dudalen Hygyrchedd.

Toiledau

Mae gennym ddau doiled niwtral o ran rhyw ar y safle, yn union oddi ar y teras yng nghefn y Cartref.

Sylwch nad oes gennym doiled hygyrch ar y safle oherwydd lleoliad yr adeilad.

Cyfleusterau newid babanod

Mae cyfleusterau newid babanod ar gael yn y toiled sy'n wynebu ardal y patio.

Bygis a chadeiriau gwthio

Sylwch nad yw'r Cartref yn hygyrch i gertiau plant a phramiau. Dim ond trwy risiau o Lwybr Arfordir Cymru y gellir cyrraedd yr adeilad, ac mae grisiau y tu thewn sy'n arwain i lawr i'r Ystafell De ac i fyny i'r ardal arddangos.

Ffilmio a ffotograffiaeth

Ffilmio

Rhaid ceisio caniatâd gan y staff ar y safle cyn ffilmio unrhyw fideos. Dim ond fideos byr ar gyfer defnydd personol, hyd at 5 eiliad o hyd, a ganiateir.

Ni chaniateir uwchlwytho unrhyw fideos o'r Cartref i YouTube na gwefannau fideo ar-lein eraill heb ganiatâd ysgrifenedig gan aelod o dîm CofGâr, a geir drwy cofgar@sirgar.uk.

Ar gyfer pob math arall o ffilmio, gan gynnwys cynyrchiadau masnachol, gofynnir i chi geisio caniatâd gan dîm Marchnata a'r Cyfryngau Cyngor Sir Gaerfyrddin drwy lenwi'r ffurflen hon. Rhowch wybod i ni yn cofgar@sirgar.gov.uk os ydych wedi cyflwyno ffurflen cais i ffilmio.

Ffotograffiaeth

Mae croeso i chi dynnu lluniau at ddefnydd personol. Ac os byddwch yn eu rhannu ar y cyfryngau cymdeithasol, peidiwch ag anghofio ein tagio ni yn @cofgar.wales a #CartrefDylanThomas.

Ni chaniateir defnyddio fflach wrth dynnu lluniau unrhyw le y tu fewn i'r Cartref. Bydd arwyddion yn nodi os oes cyfyngiadau ar dynnu lluniau mewn arddangosfeydd penodol.

Codir tâl am dynnu lluniau at ddibenion masnachol neu ar gyfer priodasau yn y Cartref a'r Sied Ysgrifennu. Cysylltwch â ni yn cofgar@sirgar.gov.uk i gael rhagor o wybodaeth, neu edrychwch ar ein tudalennau 'Llogi'.

Mae'r holl arian a godir drwy'r taliadau hyn yn ein helpu i barhau i warchod a hyrwyddo bywyd a gwaith un o feirdd mwyaf Cymru.

Yn y Cartref

Dyma gipolwg ar yr hyn y byddwch yn dod o hyd iddo yng Nghartref Dylan Thomas.

Llawr Gwaelod

Y Parlwr

Ar ôl mynd drwy'r Siop Anrhegion, byddwch yn camu i fyd Dylan yn Y Parlwr.

Wood beamed room with a circular, tabletop glass dome in the centre. A model town is visible through the glass. Display cases, interpretation panels, and pictures decorate the walls.

Llawr Cyntaf

Oriel Arddangosfa

Ar un adeg, roedd ystafelloedd gwely'r teulu ar lawr uchaf y Cartref. Un ohonynt oedd ystafell wely Dylan a Caitlin, a'r llall oedd ystafell wely Aeronwy a Colm, eu dau blentyn iau. Roedd ystafell Llewelyn i lawr y grisiau, yn y siop anrhegion.

Two halves of a scone on a plate. The scones are topped with jam and clotted cream.

Llawr Gwaelod

Y Gegin Cartref

Mae llawer o ymwelwyr yn ddigon ffodus i gael eu croesawu gan arogl bara a chacennau cri sydd newydd eu pobi cyn gynted ag y byddant yn cerdded drwy'r drws ffrynt.

Llawr Isaf

Y Teras

Y Teras yw'r lle y dewch o hyd i'r rhan fwyaf o gliwiau ynghylch beth sy'n gwneud y Cartref yn arbennig.

A family visits a small shed beside a coastal path. One adult holds a young child while standing outside the pale green wooden shed, and another child peers through a narrow window in the door.

Tu allan

Sied Ysgrifennu

Sied Ysgrifennu Dylan yw rhan gyntaf yr eiddo y byddwch yn ei weld os ydych yn cerdded ar hyd Llwybr Arfordir Cymru o Dalacharn. Mae llawer o ymwelwyr yn camgymryd hwn am y Cartref!

A person stands beside a lakeside railing near a white waterside cottage, with a wooded shoreline and calm water in the background. The person wears a patterned light-coloured blouse and blue trousers, while the scene is framed by greenery and an overcast sky.

Ymweld â Chartref Dylan Thomas

Find out all you need to know about planning a visit to the Boathouse.

Dysgu mwy