Gwirfoddolwr Atgofion
Ydych chi'n angerddol am gadw atgofion a chreu cysylltiadau ystyrlon o fewn cymunedau?
Pwrpas
Dod â llawenydd i grwpiau cymunedol, lleoliadau gofal preswyl a chlybiau cinio, a chreu cysylltiadau ystyrlon ag unigolion a chymunedau.
Tasgau Gwirfoddolwyr
- Dod o hyd i eitemau amrywiol ar gyfer blychau atgofion a'u casglu at ei gilydd
- Trefnu a churadu blychau atgofion sydd wedi'u teilwra ar gyfer gwahanol gymunedau
- Hyrwyddo pwysigrwydd blychau atgofion
- Cynnal sesiynau atgofio deniadol, boed yn yr amgueddfa neu mewn lleoliadau cymunedol (os dymunir)
- Creu amgylchedd diogel, croesawgar a chynhwysol i'r cyfranogwyr
- Casglu adborth er mwyn gwella'r gwasanaeth yn barhaus
Pwy rydyn ni'n chwilio amdano?
Rydym yn chwilio am bobl sy'n eiriolwyr brwdfrydig; sy'n angerddol am ddiogelu atgofion a'r effaith gadarnhaol y gall atgofio ei chael ar unigolion a'u cymunedau; sydd â dawn i ddod o hyd i eitemau sy'n dwyn atgofion yn ôl ac i'w curadu; sy'n frwdfrydig am gysylltu â grwpiau cymunedol amrywiol; ac sy'n hwyluswyr tosturiol sy'n gallu creu awyrgylch croesawgar a chynhwysol.
Beth sydd ynddo i chi?
- Rôl hwyliog ac amrywiol fel rhan o dîm cyfeillgar a chefnogol o wirfoddolwyr a staff
- Cyfle i ddatblygu sgiliau hwyluso ac ymgysylltu â'r gymuned wrth gyfrannu at achos gwerthfawr
- Y boddhad o wella lles unigolion a chymunedau, a chael effaith gadarnhaol ac ystyrlon arnynt
- Ennill Credydau Amser Tempo i'w gwario ar ddiwrnodau allan
Ymrwymiad
Hyblyg – Dim ymrwymiad lleiaf.
Hyfforddiant a Chymorth
Bydd cyflwyniad cynhwysfawr, hyfforddiant a chefnogaeth barhaus gan staff a gwirfoddolwyr eraill ar gael.
Cysylltu
Mae'r rôl hon ar sail wirfoddol ac nid yw'n creu trefniant sy'n rhwymo'n gyfreithiol na chytundeb cyflogaeth â thâl.
I gael rhagor o wybodaeth ac i wneud cais, cysylltwch â'n tîm.