Cefnogwch ni
Helpwch ni i gadw stori Sir Gâr yn fyw i bawb
Ein gweledigaeth yw cael amgueddfeydd lleol sy'n canolbwyntio ar y gymuned ar flaen y gad o ran newid, cynaliadwyedd, gofalu am gasgliadau a hygyrchedd yng Nghymru.
Chi sydd wrth wraidd y weledigaeth honno. A gall eich sgiliau, eich straeon a'ch cefnogaeth helpu i wireddu'r weledigaeth honno.
Boed yn wirfoddoli eich amser i ysbrydoli pobl ifanc, codi arian ar gyfer caffael pwysig, neu wneud cyfraniad tuag at ddigwyddiad cyffrous, mae eich cefnogaeth yn gwneud casgliad Sir Gâr – a stori Sir Gâr – yn hygyrch i bawb.
Gwirfoddoli
Mae gwirfoddolwyr yn dod â mewnwelediadau a dealltwriaeth newydd. Ac os hoffech ymuno â ni – bydd gwirfoddolwyr yn rhan enfawr o ddyfodol CofGâr.
Dysgu mwyRolau gwirfoddoli sydd ar gael
Gwirfoddolwr Ymgysylltu â Theuluoedd
Gan weithio o Amgueddfa Parc Howard, byddwch yn cynnig profiad eithriadol i deuluoedd, gan ddod â'n casgliadau amgueddfa yn fyw i blant a phobl ifanc.
Gwirfoddolwr Profiad Ymwelwyr
Gan weithio o Amgueddfa Parc Howard, byddwch yn ysbrydoli ymwelwyr ac yn gwella eu profiad o'r amgueddfa, gan sicrhau eu bod yn teimlo eu bod yn cael croeso ac yn cael eu cynnwys a'u hysbysu'n dda yn ystod eu hamser yn yr amgueddfa.
Gwirfoddolwr Atgofion
Gan weithio o Amgueddfa Sir Gâr, byddwch yn dod â llawenydd i grwpiau cymunedol, cartrefi gofal a chlybiau cinio, ac yn creu cysylltiadau ystyrlon ag unigolion a chymunedau.
Profiad gwaith
Dysgwch sgiliau newydd a chael hwyl drwy brofiad gwaith mewn amgueddfa CofGâr.
Ydych chi â diddordeb mewn gyrfa ym myd amgueddfeydd? Neu efallai bod gennych chi gariad at hanes? Efallai eich bod hyd yn oed eisiau gweithio ym maes gwasanaeth cwsmeriaid neu farchnata, ond heb ddod o hyd i'r llwybr cywir i gyrraedd yno.
Yn CofGâr, gallwn gynnig lleoliadau profiad gwaith i ddisgyblion ysgol uwchradd a fydd yn eich cyflwyno i bob agwedd ar weithio mewn amgueddfeydd, o groesawu ymwelwyr i warchod casgliadau.
