Llogi Cartref Dylan Thomas
Mwy na dim ond 'tŷ a ytegwyd gan y môr'
Ysbrydolwyd Dylan Thomas gan y Cartref i ysgrifennu rhai o'i weithiau mwyaf cofiadwy, diolch i'w swyn hanesyddol a'i harddwch naturiol. Mae'r etifeddiaeth enwog honno'n ei wneud yn lleoliad arbennig iawn ar gyfer unrhyw ddigwyddiad:
Priodasau a Seremonïau: Lleoliad rhamantus a phreifat sydd wedi'i drwyddedu ar gyfer seremonïau. Pa ffordd well o ddathlu eich cariad na chartref un o feirdd mwyaf annwyl y byd?
Digwyddiadau Preifat: Cynheliwch eich gwahoddiad mewn lleoliad a fu unwaith yn gartref i artistiaid, beirdd ac awduron. Gyda'i threftadaeth lenyddol, awyrgylch heddychlon a golygfeydd godidog, mae'r Cartref yn berffaith ar gyfer pob math o ddigwyddiadau preifat.
Digwyddiadau Corfforaethol: Mwynhewch awyrgylch hamddenol ond proffesiynol ar gyfer cyfarfodydd neu encilion. Dywedir bod *Under Milk Wood* wedi'i gwblhau yma, felly mae gan y Cartref draddodiad o greu gweithiau gwych!
Ffilmio a Ffotograffiaeth: Lleoliad hardd ac enwog sydd wedi ymddangos ar y teledu ac mewn ffilmiau ar sawl achlysur, ac sy'n berffaith ar gyfer prosiectau creadigol.
Encil i Awduron: Cewch fynediad at y Sied Ysgrifennu enwog i gael ysbrydoliaeth ac amser i fyfyrio.
Y tu mewn i'r Cartref
Gallai'r Cartref fod yn fach, ond mae ei du-mewn swynol yn cynnig profiad unigryw ar gyfer pob achlysur. Mae llogi'r lleoliad cyfan yn cynnwys y mannau canlynol:
Manylion y Llogi
Argaeledd
Unrhyw bryd y tu allan i'r oriau agor arferol.
Prisiau Llogi (tan 31 Mawrth 2027)
Gan ddechrau o £312 ar gyfer y rhan fwyaf o ddigwyddiadau.
Gan ddechrau o £230 ar gyfer priodasau a digwyddiadau dathlu.
Mynediad i'r Sied Ysgrifennu
Defnydd Masnachol: £120 yr awr
Defnydd gan Grwpiau Cymunedol: £54.55 yr awr
Mynediad i'r Cartref ar gyfer Ffilmio a Ffotograffiaeth
Gwnewch gais drwy borth Cyngor Sir Gaerfyrddin
Pam Dewis Cartref Dylan Thomas?
Yn llawn hanes ac o bwysigrwydd llenyddol byd-eang.
Golygfeydd panoramig o aber Afon Taf.
Mannau unigryw, o'r Lolfa glyd i'r Sied Ysgrifennu eiconig.
Opsiynau amrywiol ar gyfer digwyddiadau personol, proffesiynol a chreadigol.
Archebwch eich Profiad Heddiw
P'un a ydych chi'n dathlu achlysur arbennig, yn cynnal digwyddiad, neu'n chwilio am le tawel i greu, mae Cartref Dylan Thomas yn cynnig profiad bythgofiadwy.
Byddwch hefyd yn cefnogi gwaith pwysig CofGâr wrth ofalu am a hyrwyddo etifeddiaeth Dylan Thomas a'i berthnasedd parhaus yn y byd sydd ohoni. Mae incwm o logi masnachol yn hanfodol ar gyfer sefydlu rhaglen o ddigwyddiadau a gweithgareddau i deuluoedd a selogion llenyddiaeth fel ei gilydd. Bydd eich cefnogaeth yn ein helpu i feithrin ein beirdd a'n hysgrifenwyr nesaf.
I archebu'r lle, dysgu mwy am opsiynau llogi, neu gael gwybod am brisiau o 1 Ebrill 2027 ymlaen, cysylltwch â'n tîm. Llenwch y ffurflen isod, anfonwch e-bost atom yn gwybodaeth@cofgar.cymru, neu ffoniwch 01267 228696. Gadewch i ni wireddu eich syniadau yng Nghartref Dylan Thomas!
Ystafell Fwyta
Digon o le i hyd at 15 o bobl ar gyfer cynulliad agos-at-ochr, gan fwynhau blas ar fywyd clyd mewn bwthyn.
Patio a Theras
Mae seddi awyr agored ar gyfer 12 o bobl ychwanegol ar gael ar y patio, y gellir ei drawsnewid hefyd yn llwyfan ar gyfer perfformiadau. Mae'r Teras isod yn ddelfrydol ar gyfer cynulliadau a chynulleidfaoedd fel ei gilydd.
Lolfa
Gyda man eistedd cyfforddus a mynediad i'r balconi, mae'r Ystafell Eistedd yn creu awyrgylch cartref teuluol, ac ynddi mae desg ysgrifennu Dylan Thomas. Gall yr ystafell ddarparu lle i hyd at 10 o bobl, ac mae'n ddelfrydol ar gyfer cyfarfodydd, mannau ar gyfer sesiynau grŵp llai, neu hyd yn oed glybiau cymunedol.
Ystafell Wely Dylan
Mae'r ystafell deuluol wedi'i rhannu'n ddwy ardal y gellir eu cysylltu neu eu gwahanu. Gan ddarparu lle i hyd at 20 o westeion, mae'r ystafell(au) yn cynnig mannau tawel ar gyfer cyfarfodydd, sgyrsiau neu seremoniâu priodas.
Sied Ysgrifennu
Lle rhyddhawyd creadigrwydd Dylan Thomas. Gofod heddychlon sy'n edrych dros aber Afon Taf – lle perffaith i awduron, artistiaid neu weithwyr proffesiynol sy'n chwilio am encilfa dawel.